广州终于降温啦！！！今年，广州又走过咗一个跨越“半年”嘅夏天，今日，我哋终于迎来暂时嘅清凉，阿咩终于可以着买咗两个月嘅秋装啦！（一阵心酸……）感觉降温未够喉嘅老友记唔使失望，真正嘅冷空气暂时先到粤北，嚟到广州起码仲要一段时间。即系话仲可以继续降温~▲信息来源于广州天气微博（唔准请打佢，唔好搵我）要问中国边个城市天气最捉摸不透，最难相处？必定系广州！！！今日阿咩亲身上阵，带大家一齐痛诉广州天气七宗罪1无数次入冬失败就算入咗冬，都可能热到死虽然今日广州明显降温转凉，但系睇下人哋北方，早就已经入冬兼落雪！而广州嘅冬天，仲系——好遥远……好遥远……好遥远……等我哋一齐回顾下，旧年（年）四次入冬失败嘅惨痛经历。，广州人民经历四次入冬（秋）失败，第五次（12月初）终于入冬（秋）成功，当系其实只系凉爽咗，室外温度依然有二十几度。更攞命嘅系，广州人民呢个季节根本买唔到衫！！！出去行街买衫，服装店入边系咁——或者系咁——甚至系咁——但系出边天气系咁——我哋可以买咩啊？买咗都着唔到啦！结果就系，北方人已经着羽绒，我哋仲系着夏天嘅短袖短裤！▲广东人系咁着衫2春夏秋冬随机播放你又真系永远估佢唔到如果以天气为标准，将每个城市分类，可以分为以下几类——第一种，昆明、海口呢种四季如春、单曲循环嘅文艺城市；第二种，西安、杭州呢种季节分明、四季循环嘅正常城市；第三种，广州呢种一年四季、唔讲道理、随机播放嘅痴线城市……大家仲记唔记得，曾经有一个不可描述嘅晚上，广州一夜入冬……前一晚，阿咩仲系短袖短裤训觉——第二日起身，瞬间冻成雪条——感觉一晚经历咗夏秋冬，仲要无缝连接！（又畀广州天气教我做人嘅道理...）3夏天热到甩脾甩肺真系好想顶你个肺！提问：广州夏天可以有几热？阿咩：试过咩都唔做，坐喺度都出汗未？阿咩：你试过每日出门好似下边咁未？阿咩：仲有，呢个世界我最爱嘅男人，除咗我老窦，就系威利斯·哈维兰德·卡里尔（救世主啊）！4冬天冻到入心入骨全靠一身岭南正气提问：广州冬天可以有几冻？阿咩：广州一系唔冻，一冻直接攞你命！直接教你做人！而且南方人过冬唔靠暖气，直接靠一身岭南正气！阿咩：北方系干冷，属于物理攻击，穿多啲咪得咯；南方系湿冷，属于魔法攻击，穿几多都冇用。阿咩：反正阿咩40度着一条裤，4度依然着一条裤！！！提问：咁广州嘅春天同秋天咧？阿咩：乜嚟噶？食得吗？5台风经常玩失踪一个台风无法征服嘅城市
仲记得，今年有几个台风登陆广东，广州人民积极响应政府号召，准备各种物资，防风防灾，然后……
啲台风全部玩失踪！比如：八月嘅台风妮妲，被誉为30年来正面登陆珠三角最强台风然后，绕过广州，拐弯去咗粤西！！！再比如超强台风莫兰蒂，系今年以嚟嘅最强台风，中秋节前后登陆，媒体报道会影响赏月，阿咩以为今个中秋节应该会横风横雨。然后，嗰日风和日丽，鬼火咁晒！个台风直接去咗福建厦门！！！10月初嘅台风艾利，同样无视广州，完美避开珠三角，直接吹向粤西！10月尾，即系上两个星期，终于有双台风要登陆广东，其中台风海马仲要系超强台风。深圳、惠州等城市都宣布停工停课。阿咩认为今次广州走唔甩啦！肯定要翻风落雨！做好准备严阵以待！然后，海马嘅轨迹系咁……广州只系阴天起风，然后就冇啦……冇啦……啦……至此，本年度最后一个登陆中国嘅台风海马，依然绕开咗广州……阿咩突然明白，点解广州可以喺岭南屹立不倒，因为呢个系一个超强台风都无法征服嘅城市！6回南天足以搞死你度全方位无死角逼死你如果讲，广州嘅冬天系魔法攻击，咁广州最重型大杀伤力武器就系——回南天！！！回南天，通常指每年春天，气温开始回暖而湿度开始回升嘅现象，南方特有嘅天气，完全可以度无死角逼死一个人。连续几个星期落雨——早上起身，唔敢开窗，因为起雾起到咁——▲一开窗，全屋即死地板积水严重，一唔小心就扑街……墙面同玻璃点抹都唔干，都可以写字啦！！！天花板简直唔敢睇，因为我有密集恐惧症！最呕血嘅系，咁潮湿，啲衫晾十几日都唔干……每年回南天，都系底裤紧缺嘅时候……回南天简直系广州每年必备嘅全民大型生存节目，又潮又湿又冻，阿咩都唔知自己系点喺广州生存十几年！！！可能你会问，点解冇第七条？第七条就由各位自己友补充！（绝对唔系阿咩懒……）素材出自广州天气、南方都市报、羊城晚报等羊城网负责整理编辑自己友Tee「为食人生」系列
益街坊价每件99元
落单即送自己友开饭卡！
（内含消费券元）
鍖椾含鐪嬬櫧鐧滈鐥呭摢涓尰闄㈡渶濂?鍖椾含鍝噷鐧界櫆椋庡尰闄㈠ソ